ناس كتير اوي بتسأل علي سر اللاكي LadyLuck
وناس تانية بيقولوا انهم عرفوا السر
سر اللاكي
اللاكي ده عبارة عن طريقة الجي ام او بمعني اصح الشركة
بتكسب منها فلوس عن طريق الناس اللي بتلعب
وطبعا مفيش مانع انه يدفع شويه مقابل انه يشجع الناس علشان يزود فرصة المكسب بتاعه
حد يعرف حاجه اسمها اللوتري Lottery او اليانصيب ؟؟
كود:
اليانصيب - نوع من أنواع القمار, وهي مسابقة يشتري فيها الناس تذاكر لكسب مبالغ كبيرة من المال. في معظم أنواع اليانصيب يشتري الناس تذاكر مرقمة من بائعين معتمدين، أو من آلات بيع التذاكر، ويتم تحديد الأرقام الفائزة في سحب عام يتم بطريقة عشوائية. وتقوم دول كثيرة بإصدار يانصيب قومي وسيلة لزيادة دخلها.
المصدر : ويكيبيديا
ده مصطلح لمسابقة كانت موجوده زمان في مصر
ولحد دلوقتي لسه موجوده في بلاد معينة
ان يتعمل مثلا اعلان عن تذكرة بجنيه
والجايزه مليون جنيه
وكل تذكرة عليها رقم معين وفي اخر الاسبوع او الشهر
بيعملوا سحب عشوائي علي الرقم الكسبان
وطبعا الجهه اللي بتعمل المسابقة لازم تبقي متأكده ان اللي هايشترك عددهم اكتر من مليون جنيه علشان الجهه دي تطلع كسبانه
غير كده تبقي الشركة او الجهه اللي عملت المسابقة دي خسرت لو المبلغ اللي قدروا يجمعوه اقل من قيمة الجايزة
وصلت كده ؟؟؟
هافكركوا بمثال :
مسابقات 0900 واللي زيها
كام واحد هنا اشترك في المسابقات دي ؟؟؟
هل فيه حد كسب التسعتشليار جنيه الجايزة ؟؟
ماهو بياخد فلوس علي كل مره انتا بتتصل فيها
ولازم يطلع حد يقول ان ده كسب في المسابقة اللي فاتت او الحلقة اللي فاتت
عموما لو فيه حد كسب يبقي ده معناه انه اشترك في مسابقة اشترك فيها ملايين زيه
وكلهم دفعوا فلوس واللي عمل المسابقة لم فلوس وكسب والحمد لله ولقي الخير كتير فقرر انه يوزع علي واحد من اللي دفعوا فلوس
نرجع لموضوعنا الاساسي ....
يشجع الناس انها تدفع فلوس مقابل حاجه مش اكيد انها هاتكسب
والدليل انك لما تكسب حاجه رخيصة زي مثلا ستون +1
اسمك مش بيتكتب علي السيرفر
اللي اسمه بيتكتب بس اللي كسب حاجه غالية
علشان الناس تتشجع وتدفع وتدخل
خلاصة الموضوع
طبعا في الاخر الجي ام عمره ما بيطلع خسران
لازم يكون مجموع الCPs اللي الناس دفعته
يكون اكتر من الحاجات اللي هو خرجها والناس كسبتها
الموضوع مافيهوش سر كبير غير اللي انا قولته
وقبل كده حصلت كتير اوي واحد نبيه وذكي ومفيش منه ولا حتي في كوالالمبور
يقول افتح لاكي ساعتين من الساعه 9 الفجر لحد الساعه 12 العصر
وادخل اللاكي الساعه 2 المغرب وهاتسكب ان شاء الله
والناس تصدق وتجرب وبرضو يكتشفوا ان الموضوع موضوع حظ
فيه نقطة مهمه هنا ..
هو الموضوع لو مش حظ .... يبقي حاجه من اتنين :
1- عشوائي : وفيه حاجه في البرمجه اسمها المعادلة العشوائية Random Function ودي صعب اوي انك تستنتج نتيجتها
2- معادلة محددة : ولو الموضوع كده يبقي الجي ام عمره ما هايفرط فيها وللاحتياط كمان المعادلة لو هو ذكي بيغيرها تلقائيا كل فترة
( مثال : السيريال بتاع اي برنامج غير مجاني بس حاجه علي فكره اعلي شويه )
معلش طولت في الكلام بس ده اللي انا مقتنع بيه
اللي عاجبه الكلام اهلا وسهلا
اللي مش مقتنع ممكن يفضل يدور علي السر
أو يعرفنا رأيه
ده اول موضوع ليا
لو حد عنده اي ملاحظات علي اي حاجه
اهلا وسهلا بيه